Инновацион проекттар төҙөүҙә ярыштылар

Мәғариф һәм фән министрлығында хәбәр итеүҙәренсә, Өфөлә Neuro-Med медицинаһында яһалма интеллектты ҡулланыу тураһында форум үтте. “Фән һәм университеттар” милли проекты буйынса ойошторолған форумды Рәсәй Һаулыҡ һаҡлау министрлығы БДМУ-ның киберүҙәге ойошторҙо.

Сарала 250-нән ашыу медицина һәм техник һөнәр студенттары, медицина һәм яһалма интеллект өлкәһендә 50 профилле эксперт, шулай уҡ Рәсәй һәм Греция спикерҙары ҡатнашты. Форумдың үҙенсәлеге булып нейрохакатон үткәреү торҙо: унда Өфө, Ырымбур һәм Түбәнге Новгород университеттарынан ҡатнашыусылар, төп инструмент сифатында яһалма интеллектты файҙаланып, медицина һәм кеше һаулығы өлкәһендә инновацион проекттар төҙөүҙә ярышты.