“Бәләкәй һәм урта эшҡыуарлыҡ һәм шәхси эшҡыуарлыҡ башланғысына булышлыҡ итеү” милли проектына ярашлы, республика йүнселдәре 2019 – 2024 йылдарҙа 4,7 миллиард һум күләмендә дәүләт ярҙамы алған. Сумманың 4,4 миллиард һумы – федераль бюджеттан, ҡалғаны – төбәк ҡаҙнаһынан.
Бәләкәй һәм урта эшҡыуарлыҡ субъекттарының берҙәм реестры мәғлүмәттәренә ярашлы, уҙған йыл аҙағында Башҡортостанда ошондай 141,8 мең субъект теркәлгән. Сағыштырыу өсөн, 2019 йылдағыға ҡарағанда 12 процентҡа күберәк. Республикабыҙ бәләкәй һәм урта эшҡыуарлыҡ субъекттары иҫәбе буйынса Волга буйы федераль округында – икенсе, Рәсәй Федерацияһында унынсы урынды биләй.
Махсус һалым режимын ҡулланған бәләкәй һәм урта эшҡыуарлыҡ субъекттарынан, үҙмәшғүлдәрҙән былтыр Башҡортостандың тупланма бюджетына 22 миллиард һум йыйылған – 2019 йылдағы менән сағыштырғанда, 2,4 тапҡыр күберәк.