Урман үҫентеләре орлоғо етерлек тупланған

“Экология” милли проектының “Урмандарҙы һаҡлау” федераль проектының төп бурысына уңышлы өлгәшелгән. Проектты тормошҡа ашырыуға федераль бюджеттан бер миллиард һумдан ашыу аҡса бүленгән. Проектты тормошҡа ашыра башлағандан алып алты йыл эсендә урман фонды ерҙәрендә 93 мең гектарға яҡын майҙанда урмандарҙы тергеҙеү саралары үткәрелгән, ә урман тергеҙеү һәм урман үрсетеү майҙандарының ҡырҡылған һәм юҡҡа сыҡҡан урман ултыртмалары майҙанына уртаса мөнәсәбәт балансы 112,5 процент тәшкил иткән. Шулай уҡ 20 тонна урман үҫентеләре орлоғо тупланған. План 144 процентҡа арттырып үтәлгән.

Проект ваҡытында бөтәһе 300-ҙән ашыу техника берәмеге, урман хужалығы эштәрен үткәреү өсөн ҡорамалдар һәм инвентарь, шулай уҡ 400 самаһы берәмек урман янғындарын һүндереү техникаһы һатып алынған, был техниканы 100 процентҡа комплектлау буйынса “Урмандарҙы һаҡлау” проектының маҡсатлы күрһәткестәрен үтәүҙе тәьмин итте.