Яңы ҡорамал заман талаптарына ярашлы эшләй

Балтас үҙәк район дауаханаһына, “Оҙайлы һәм әүҙем тормош” милли проектына ярашлы, юғары һәләтле һәм “РуСкан-60”сенсорлы идараһы булған ике яңы универсаль ультратауыш сканеры алынды. Ҡорамал юғары сифатлы визуаль һәм һүрәттәрҙе эшкәртеүҙең заманса технологияларына эйә. Датчиктарҙың төрлөлөгө һөҙөмтәһендә ультратауыш системаһы аппаратты клиник ҡулланыу өсөн ҙур мөмкинлектәр бирә.

–Яңы ҡорамал заман менән бергә атларлыҡ техник мөмкинлектәргә эйә. Ағзалағы аҙ ғына үҙгәрештәрҙе лә аныҡ асыҡлау сирҙәрҙе иртә стадияла асыҡларға ярҙам итә, – тип билдәләне ультратауыш диагностикаһы табибы Эрнст Кәримов.

Яңы “Оҙайлы һәм әүҙем тормош” проекты “Һаулыҡ һаҡлау” милли проектын һәм элекке ҙур ҡоласлы “Демография” проектының ҡайһы бер йүнәлештәрен артабан үҫтерәсәк. Тәү сиратта ярҙам сараларын ғүмер оҙайлығы илдәге уртаса күрһәткестән артта ҡалған төбәктәр һәм ауылдар аласаҡ. Милли проект һаулыҡ һаҡлауҙың тәүге звеноһын артабан яңыртыуға йүнәлтелгән, йөрәк-ҡан тамырҙары, онкология һәм диабет сирҙәре менән көрәш буйынса федераль программалар ҙа дауам итәсәк.