Пациенттар өсөн уңайлы күсмә аппарат

Күсмә “РЕНЕКС” рентген аппараты дауахана палаталарында һәм башҡа махсуслаштырылмаған биналарҙа ренгенография тишереүҙәре үткәреү өсөн тәғәйенләнгән. Ул мобиль яҫы панелле детектор менән йыһазландырылған. Был юғары сифатлы һүрәттәрҙе экранға бик тиҙ сығарырға мөмкинлек бирә. Конструкция тотороҡло, кассеталарҙы һаҡлау өсөн уңайлы контейнер бар.

Күсмә ренгенографта тикшереү үткәреү сирҙәрҙе иртә стадияла сифатлы диагностикаларға мөмкинлек бирә. Иң мөһиме, яңы ҡорамалда аҙ хәрәкәтләнеүсе пациенттарҙы транспорт ярҙамынан башҡа тикшерергә мөмкин. “Һаулыҡ һаҡлау” милли проектын һәм элекке ҙур ҡоласлы “Демография” проектының ҡайһы бер йүнәлештәрен артабан үҫтерәсәк. Тәү сиратта ярҙам сараларын ғүмер оҙайлығы илдәге уртаса күрһәткестән артта ҡалған төбәктәр һәм ауылдар аласаҡ. Милли проект һаулыҡ һаҡлауҙың тәүге звеноһын артабан яңыртыуға йүнәлтелгән, йөрәк-ҡан тамырҙары, онкология һәм диабет сирҙәре менән көрәш буйынса федераль программалар ҙа дауам итәсәк.