Һаҡсыл етештереү алымдары ҡулланыла

Стәрлетамаҡ кирбес заводының “Һөҙөмтәле һәм конкурентлы иҡтисад” милли проекты ҡарамағындағы “Хеҙмәт етештереүсәнлеге” федераль проектында ҡатнашыуы предприятиеға эш һөҙөмтәлелеген һиҙелерлек күтәреү мөмкинлеген биргән, тип хәбәр итә республика Хөкүмәте.

– Кирбес заводындағы был эш – етештереү күләмен капитал һалыуҙарһыҙ, эске процестарҙы яңынан ҡарау иҫәбенә күтәреү мөмкинлегенә асыҡ дәлил. Ваҡытты 15 проценттан ашыуға ҡыҫҡартыу – конкурентлыҡ йәһәтенән етди өҫтөнлөк, ул предприятие өсөн яңы баҙар мөмкинлектәре аса, – ти республика Хөкүмәте вице-премьеры – иҡтисади үҫеш һәм инвестиция сәйәсәте министры Рөстәм Моратов.

– Элек кәрәкле эш ҡоралын, йыһаздарҙы эҙләү күпмелер ваҡыт талап итә ине. Хәҙер иһә һәр береһенең визуаль билдәләнгән үҙ урыны бар. Был хеҙмәткәрҙәр араһында тәртипте нығыта, эштең үтәлешен тиҙләтә, – ти заводтың баш инженеры Алексей Балакин.

Сығанаҡ: https://bashgazet.ru/articles/milli-proekttar/2025-10-16/kirbeste-any-la-sifaty-la-arta-4429623