Байтаҡ макулатура йыйылды

Республиканың Экология министрлығынан хәбәр итеүҙәренсә, Өфөнөң фән һәм технологиялар университетында “Бумбатл” Бөтә Рәсәй акцияһының көҙгө этабы уңышлы тамамланды. Ул 1 сентябрҙән 30 ноябргә тиклем “Экология именлеге” милли проектына ярашлы башҡарылды.

Студенттар тырышлығы менән 1880 килограмм ҡағыҙ йыйылған. Был 30 ағасты ҡырҡыуҙан ҡотҡарған. Табылған аҡса гуманитар ярҙамға оҙатыласаҡ.

-1880 килограмм макулатура университет берләшмәһенең экология мәғрифәтендә лидерлыҡҡа етди аҙымы. “Бумбатл” – ул макулатура йыйыу ғына түгел, социаль яуапылыҡ буйынса практик дәрес тә, - ти Башҡортостандың тәбиғәттән файҙаланыу һәм экологияның йәштәр министры Арина Сидорова.

Студенттарҙың фәнни берләшмәһен үҫтереүгә федераль субсидиялар ярҙамы менән ойошторолған сара йөҙләгән студентты, уҡытыусыларҙы, вуз хеҙмәткәрҙәрен берләштерҙе.

- Конкрет һан – ике мең тонна макулатура үҙе күп нәмә тураһында һөйләй. Студенттар ҙур  энтузиазм менән был эшкә ҡушылды. Ҡалдыҡтар менән аҡыллы эш итеү – яңы быуын өсөн ҡағиҙә булыуын күрәбеҙ, - тине Башҡортостандың тәбиғәттән файҙаланыу һәм экология министры урынбаҫары Шамил Фәррәхов.

Сығанаҡ: https://bashgazet.ru/articles/milli-proekttar/2025-12-08/ike-tonna-a-ya-yn-makulatura-yyyyldy-4497251 

Фото: https://www.bashinform.ru/news/social/2025-10-03/ufimtsy-smogut-poluchit-bilet-v-muzey-za-sdachu-makulatury-4413147