Ҡоштар өсөн тағараҡтар эшләү буйынса акция үтте

Уҡыусылыр ябай пластик шешәләрҙе уңайлы һәм функциональ тағараҡтарға әйләндергән. Был ябай, әммә мөһим аҙым балаларҙы ташланған материалдан да тәбиғәт өсөн файҙалы нәмә яһарға мөмкин булыуын аңларға ярҙам итте.

«Элек буш шешәләрҙе ташлай инем, хәҙер уларҙа ҡоштарға ярҙам итеү мөмкинлеген күрәм. Иң ҡыҙыҡлыһы дизайн һәм нығытмалар уйлап табыу ине. Беҙ тағараҡтарҙы мәктәп ихатаһының биҙәге булыу өсөн ҡулайлы ғына түгел, матур ҙа итергә тырыштыҡ», - тип уртаҡлашты 8-се класс уҡыусыһы Аделина.

Кластың йыл буйына ҡоштарҙы аҙыҡ менән даими тәьмин итергә вәғәҙә итеүе акцияның үҙенсәлеге булып торҙо. Был балаларҙы үҙҙәренең изге эштәре өсөн ысын яуаплылыҡҡа өйрәтә.

«Акция бер юлы ике экологик мәсьәләне хәл итә: ҡоштарға ҡышты үткәреүҙә ярҙам күрһәтә һәм пластик ҡалдыҡтар һанын кәметә. Бындай практик дәрестәр балаларҙа экология һәм тәбиғәтте һаҡлауға һәр кем үҙ өлөшөн индерә алыуын аңлауҙы тәрбиәләй», - тип билдәләне «Тәүгеләр хәрәкәте»нең беренсел бүлексәһе кураторы Гөлйөҙөм Мортазина.

Сығанаҡ: https://contenta.info/press_releases/1166113#scroll