Башҡортостанда һунар миҙгелендә ҡаргиҙәргә контролде көсәйтәләр

Башҡортостан Республикаһының Дәүләт техник күҙәтеү буйынса дәүләт комитеты «Ҡаргиҙәр» иҫкәртеү айлығын үткәреү осоронда ведомство-ара эш итеү мәсьәләләре буйынса кәңәшмә үткәрҙе. Кәңәшмәлә муниципаль райондар һәм ҡала округтары инженер-инспекторҙары, шулай уҡ БР Тәбиғәттән файҙаланыу һәм экология министрлығы хеҙмәткәрҙәре ҡатнашты. Сара «Экологик именлек» милли проекты сиктәрендә үтте һәм «Ҡаргиҙәр» иҫкәртеү айлығын үткәреү осоронда ведомстволарҙың эшмәкәрлеген һәм үҙ-ара килешеп эш итеүен координациялауға арналды.

Республиканың һунарсылыҡ биләмәләре 12 миллион гектарҙан ашыу ерҙе биләй. Меңдәрсә һунарсы ошо биләмәләр буйлап йөрөү өсөн ҡаргиҙәрҙәрҙәр һәм квадроциклдар менән әүҙем файҙалана. Был техниканы эксплуатациялау ҡағиҙәләрен һәм һунар тураһындағы ҡануниәтте үтәүгә айырыуса иғтибар талап итә.

2025 йылда Башҡортостандың Тәбиғәттән файҙаланыу һәм экология министрлығы башланғысы менән Эске эштәр министрлығы, Рәсәй гвардияһы, Дәүләт техник күҙәтеүе вәкилдәре һәм һунар хужалығын алып барыусылар ҡатнашлығында 3 меңдән ашыу рейд ойошторолдо. Дәүләт техник күҙәтеүе инспекторҙары 70-тән ашыу рейд үткәрҙе.

4 меңдән ашыу һунарсы тикшерелде, 120 кешелә һунар ҡағиҙәләрен боҙоуҙар асыҡланды. Уларға ярашлы административ хоҡуҡ боҙоуҙар тураһында эш ҡуҙғатылды. Дәүләт техник күҙәтеүе инспекторҙары үҙйөрөшлө техниканы файҙаланыу ҡағиҙәләрен боҙған өсөн байтаҡ эш башлаған. Хоҡуҡ һаҡлау органдарына енәйәт билдәләре буйынса 20 материал ебәрелгән (РФ Енәйәт кодексының 258-се статьяһы), барыһы буйынса ла енәйәт эштәре асылған.

Сығанаҡ: https://contenta.info/press_releases/1198993#scroll