Өфөнөң уҡыу йорттары араһындағы кампуста тәүге тапҡыр студенттар никахы теркәлде

Кампус өсөн был үҙенсәлекле ваҡиға булды: фән, мәғариф һәм юғары уҡыу йорттары араһында хеҙмәттәшлек өсөн булдырылған заманса киңлек тәүге тапҡыр студенттар ғаиләһенең тыуыу майҙансығына әүерелде.

- Был юғары уҡыу йорттары беренсе категорияла иңгә-иң терәп килә. Улар бик көслө. Республиканың көслө юғары уҡыу йорттары төҙөгән проект көслө, һөҙөмтәле булыр, тип уйлайым. Был юғары уҡыу йорттарына ғаиләләр булдырғандары өсөн генә түгел, ә клиенттар йүнәлешендә эшләгәндәре, студенттар йүнәлешендә эшләгәндәре, республиканың алдынғы юғары уҡыу йорттары маркаһын тотҡандары өсөн ҙур рәхмәт, - тине Башҡортостандың Фән һәм юғары белем буйынса дәүләт комитеты рәйесе урынбаҫары Азат Фәттәхов.

Диана Бикмөхәмәтова - Башҡорт дәүләт медицина университетының педиатрия факультеты студенты, факультет терапияһы буйынса команда олимпиадаһы еңеүсеһе, университеттың ижтимағи һәм мәҙәни тормошонда әүҙем ҡатнаша, волонтерлыҡ һәм патриотик проекттар менән шөғөлләнә. Таһир Кәримов - «Электр энергетикаһы комплекстары менән идара итеү, яҡлау һәм диагностикалауҙың интеллектуаль саралары һәм системалары» йүнәлеше буйынса Өфө дәүләт нефть техник университеты магистранты. Өфөнөң 3-сө ТЭЦ-ында эшләй.

- Кампус - фән һәм уҡыу тураһында ғына түгел, ә яңы танышыуҙар, дуҫлыҡ һәм яңы уңышлы проекттар булдырыу тураһында ла, сөнки бында төрлө юғары уҡыу йорттары студенттары осраша. Кампуста ошондай саралар күберәк булһын өсөн барыһын да эшләйәсәкбеҙ, һәм киләһе уҡыу йылынан Башҡорт дәүләт медицина университеты ректоры менән уртаҡ предметтар буйынса юғары уҡыу йорттарыбыҙ студенттары өсөн дәрестәр ойоштороу тураһында килештек, - тип билдәләне Өфө дәүләт нефть техник университеты ректоры Олег Баулин.

Йәш ғаиләгә ике университеттан аҡсалата сертификат тапшырылды.

Сығанаҡ: https://contenta.info/press_releases/1347213#scroll