«Башҡортостан» милли паркына 40 йыл

2012 йылда парк ЮНЕСКО-ның «Башҡорт Уралы» биосфера резерваты составына инде, ә 2024 йылда был статус тағы ла 10 йылға раҫланды. Бындай территорияларҙы һаҡлау һәм үҫтереү — «Экологик именлек» (национальный проект «Экологическое благополучие») милли проектының төп бурыстарының береһе.

Дүрт тиҫтә йыл эсендә парк яңы ғына ойошторолған һаҡланыусы биләмәнән республиканың иң билдәле тәбиғәт объекттарының береһенә әүерелде. Бында ҡуйы урмандар, саф йылғалар, ҡаялар һәм карст мәмерйәләре һаҡланып ҡалған.

Юбилей — был тик тәбиғәт тураһында ғына түгел. Ул — кешеләр тураһында. Башлап ебәреүселәр, ауыр йылдарҙа эшләгәндәр һәм бөгөн дә көн һайын маршрутҡа сығыусылар тураһында. Дәүләт инспекторҙары, ғилми хеҙмәткәрҙәр, экскурсоводтар, волонтерҙар — барыһы ла парк йәшәһен һәм үҫешһен өсөн көс һала.

40 йыл — был етди юл. Милли паркка нигеҙ һалған, бында эшләгән һәм эшләп йөрөгән һәр кемгә рәхмәт әйтәбеҙ. Волонтерҙарға, партнерҙарға, урындағы халыҡҡа һәм тәбиғәткә һаҡсыл ҡараған һәр бер килеүсегә рәхмәтлебеҙ», — тип билдәләне «Башҡортостан» милли паркы директоры Владимир Кузнецов.

Сығанаҡ: https://contenta.info/press_releases/1410332#scroll