Йәшәү минимумы билдәләнде

Башҡортостан Хөкүмәте 2020 йылдың беренсе кварталында халыҡтың йән башына йәшәү минимумын 9442 һум күләмендә билдәләне. Эшкә һәләтле халыҡ өсөн ул — 10 025, пенсионерҙарға — 7695, балаларға — 9519 һум тәшкил итә, тип хәбәр иттеләр БР Ғаилә, хеҙмәт һәм халыҡты социаль яҡлау министрлығында. Рәсәй субъекты кимәлендә билдәләнгән йәшәү минимумы социаль программаларҙы әҙерләгәндә һәм тормошҡа ашырғанда халыҡтың йәшәү кимәлен баһалау өсөн тәғәйенләнгән. Ул төбәк бюджетын формалаштырғанда әһәмиәткә эйә. Ошо күрһәткестән сығып, аҙ тәьмин ителгән граждандарға социаль ярҙам күләме иҫәпләнә.