Федераль кимәлдәге төҙөкләндереү программалары әүҙем эшләй. Улар ярҙамында ҡала һәм ауылдарҙа дөйөм файҙаланыу урындары тәртипкә килтерелә, яңы парктар һәм ял итеү урындары төҙөлә. "Уңайлы ҡала мөхите" программаһы буйынса Асҡарҙа "Ҡурай" ял паркының пляж һәм пикник зонаһы асылды. Артабан сәхнә, балалар һәм спорт майҙансыҡтары төҙөләсәк.
“Торлаҡ һәм ҡала мөхите” милли проектына ярашлы, республикала 2025 йылға тиклем барлыҡ ярҙамсы инфраструктуралары – юл селтәре, социаль объекттар булған, транспорт менән тәьмин ителгән һигеҙ миллион квадрат метр торлаҡ төҙөү өсөн аҡса бүленде.