Путин Собяниндың эшен маҡтаны

        Осрашыу барышында Путин метроның ҙур ҡулсаһын төҙөүҙе тамамлау һәм Мәскәүҙең үҙәген үҫтереү буйынса эштәр тураһында доклад тыңланы. Президент баш ҡаланың юғары темптағы үҫешен  һәм сифатын билдәләне.

   Президент Собянинға эштәре өсөн рәхмәт әйтте,  шулай уҡ Мәскәүҙә мәғариф, һаулыҡ һаҡлау системаларының һәм ҡала мөхитенең әүҙем үҫешеүен билдәләне.

«Киләсәктә лә ошондай темпта һәм сифатлы эш дауам итер тип ышанам», - тип өҫтәне Путин мэр менән һөйләшеүҙә. Бынан алда Собяниндың Путинды метроның ҙур ҡулса линияһын асыуҙа ҡатнашырға саҡырыуы хаҡында билдәле булғайны.