Район Советының сираттағы ултырышы

Бөгөн район хакимиәтенең ултырыштар залында алтынсы саҡырылыш район Советының сираттағы туғыҙынсы ултырышы бара. Көн тәртибендә беренсе булып ҡаралған мәсьәлә — Әбйәлил районы муниципаль районы хакимиәте башлығын тәғәйенләү булды. Депутаттар бер тауыштан муниципалитет башлығы итеп әлегә тиклем был вазифаны ваҡытлыса башҡарған Айрат Әминевты һайланы. Айрат Зиннәт улы ултырышта ҡатнашыусылар алдында сығыш яһап, район үҫеше һәм халыҡ мәнфәғәте өсөн тырышып эшләргә вәғәҙәләне.