Бер нисә районды тоташтырыусы юлды ремонтлау эштәре башлана

Благовар, Бүздәк, Саҡмағош, Дүртөйлө райондары биләмәләре аша үткән юлды норматив хәлгә килтерәсәктәр, йәғни юл япмалары яңырталасаҡ, һигеҙ участкаға билдәләр ҡуйыласаҡ.

        Был трассаның әһәмиәте шунда: ул үрҙә аталған райондарҙың күп һанлы тораҡ пункттарында йәшәүселәргә М-5 “Урал”, Р-240 “Өфө – Ырымбур”, М – 12 “Восток” федераль трассаларына, шулай уҡ муниципалитеттар араһында транспорт менән йөрөү мөмкинлеген бирә. БР транспорт һәм юл хужалығы министрының беренсе урынбаҫары Виктор Жульков һүҙҙәренсә, бында тәүлек һайын 3,6 меңдән ашыу машина йөрөй. Трассала эштәрҙе ошо көндәрҙә башлап,  йыл аҙағына тамамлау күҙаллана.