"Йәшел Башҡортостан" акцияһына йомғаҡ яһалды

Мәҫәлән, Октябрьскийҙа – Ҙур һәм татыу ғаилә аллеяһы һәм ҡаланың 80 йыллығына арналған аллея, Туймазыла – Чернобыль атом электростанцияһы һәләкәте эҙемтәләрен бөтөрөүҙә ҡатнашыусылар иҫтәлегенә аллея, Стәрлетамаҡ районының Бельский ауылында махсус хәрби операцияла ҡатнашыусы геройҙар иҫтәлегенә аллея барлыҡҡа килгән, ә Нефтекамала Хеҙмәт Даны аллеяһы киңәйтелгән. Өфөлә 320 ҙур ағас һәм 684 ҡыуаҡ ултыртылған, 10 тематик аллеяға нигеҙ һалынған.

Акцияла бөтәһе 65 меңдән ашыу кеше, шул иҫәптән 4 мең ирекмән һәм 3,5 мең ойошма ҡатнашҡан, 1 283 берәмек техника йәлеп ителгән.

***

«Йәшел Башҡортостан» менән бер рәттән төбәктә «Хәтер баҡсаһы» халыҡ-ара акцияһы үтте. Уны Рәсәй Президенты Владимир Путиндың ҡушыуы буйынса һәм «Экологик именлек» милли проектының «Урмандарҙы һаҡлау» федераль проекты нигеҙендә үткәрелгән.

Акция саралары республикала 260 майҙансыҡта үткән. Уларҙың һаны буйынса Башҡортостан Волга буйы федераль округының алдынғы өс төбәге иҫәбендә.

Республиканың Урман хужалығы министры Марат Шәрәфетдинов хәбәр итеүенсә, акция сиктәрендә 600 гектарҙан ашыу майҙанда 2 миллион самаһы үҫенте ултыртылған. Сараларҙа 117 меңдән ашыу кеше ҡатнашҡан.

Үҙәк майҙансыҡ булып Нуриман районының Байгилде ауылы эргәһендәге биләмә тора, унда 25 апрелдә 8 мең ҡарағай, йүкә һәм ҡарағай үҫентеләре ултыртылған. Ул  «Геройҙар урманы» исемен йөрөтәсәк.

Акцияла төбәктең ҙур предприятиелары һәм ойошмалары әүҙем ҡатнашҡан. Улар иҫәбендә - «Башнефть», «Напитки вместе», «Ультрадекор», «Оборонлес», «Себер һаулығы» компаниялары һәм башҡалар бар.

Башҡортостан башлығы хужалыҡ эшмәкәрлегендә ҡулланылғанға ҡарағанда күберәк урман ултыртыу мөһим булыуын һыҙыҡ өҫтөнә алды һәм артабан да ошо принципты теүәл үтәргә ҡушты.