Стәрлетамаҡтан Белоретҡа тура юл ремонтлана

Унда ҡырсынташ юл урынына эшселәр асфальт һала. Әлеге ваҡытта Ишембай районында һигеҙ километрлыҡ участка файҙаланыуға тапшырылған. Был хаҡта республика Башлығы Радий Хәбиров хәбәр итте.

“Мин үҙем был юлдан уның перспективаһын баһалау өсөн бер нисә тапҡыр үттем. Ул Ишембай, Бөрйән, Белорет, Әбйәлил райондары аша үтә. Юлдар тәбиғәттең иҫ киткес ерҙәре аша үтә, шуға күрә туризмды үҫтереү йәһәтенән потенциал бик ҙур», — ти республика етәксеһе. 

Радий Хәбиров хәбәр итеүенсә, трассала эштәр күп әле. Уның һүҙҙәренсә, сиратта 15 саҡрымдан ашыу юлға ремонт талап ителә. Капиталь ремонт «Тормош өсөн инфраструктура» милли проекты буйынса алып барыла.