Күләмдәр яҡшы, пландарҙы үтәргә кәрәк

Иң эреләре иҫәбендә  Дүртөйлө һәм Борай райондарында Тиҙ Танып йылғаһы аша ике күперҙе, Күгәрсен районында Иҫке Собханғол–Мораҡ автомобиль юлында һәм Ишембай районында Сикәсә йылғаһы аша Кесек йылғаһы аша күперҙәр реконструкциялана.  Шулай уҡ, Ауырғазы районында Талбазы ауылының Көнбайыш урау юлын төҙөү тора. Йыл аҙағына тиклем дөйөм оҙонлоғо 840 метр булған 13 күпер ҡоролмаһын файҙаланыуға тапшырыу планлаштырыла.

Шулай уҡ 2026 йылға 600 км төбәк юлдарын һәм дөйөм оҙонлоғо 1,5 мең метр булған 10 күперҙе ремонтлау планлаштырыла, шул иҫәптән «Тормош өсөн инфраструктура» милли проекты сиктәрендә федераль аҡса йәлеп итеп. 47 саҡрым юл япмаһы норматив хәлгә килтерелгән дә инде. Иң ҙур объекттар араһында  Дүртөйлө−Нефтекама автомобиль юлында Ағиҙел йылғаһы аша, Кропачево–Мәсәғүт–Әчит юлында Әй йылғаһы аша, Дәүләкән–Талбазы юлында Дим йылғаһы аша күперҙәр бар. Талбазы–Ғафури, Өфө–Инйәр–Белорет, Бәләбәй райондарында Бәләбәй–Приют юл участкаларын ремонт эштәре ҡанай.

      Баймаҡ һәм Хәйбулла райондарында Сибай–Аҡъяр автомобиль юлын ремонтлау дауам итә – быйыл был трассаның 60 километры яңыртыласаҡ.

Шулай уҡ һигеҙ муниципалитетта дөйөм оҙонлоғо 17,5 саҡрым тәшкил иткән баҡса ширҡәттәренә 14 юлды ремонтлау планлаштырыла.

Дөйөм алғанда, 2026 йылға республиканың юл фонды күләме 44,6 миллиард һум тәшкил итә, шуларҙың 7,2 миллиарды – федераль бюджет аҡсаһы.

Башҡортостан Башлығы Радий Хәбиров: "Һис шикһеҙ, быйыл беҙ был эштәрҙе ойошҡанлыраҡ алып барабыҙ. Былтыр «Башкиравтодор» ҙы рейдерҙарса баҫып алырға маташыу беҙгә ныҡ ҡамасауланы. Күләмдәр яҡшы, бөтә пландарҙы үтәргә кәрәк".