Өфөлә йорттарҙың ҡыйыҡтарын яңыртыуға ҙур сумма бүленә

Эштәрҙең дөйөм хаҡы 938 миллион һумға баһалана, ә аукциондарҙы 31 август үткәреү планлаштырыла.

Төҙөлөш проекттары ике лотҡа бүленгән:

• Беренсеһе буйынса, 489 миллион һумға 37 йорттоң ҡыйығын яңыртыу күҙаллана. Был объекттарҙағы эштәрҙе 2027 йылдың ноябренә тиклем тамамларға кәрәк.
• Икенсе лотҡа ярашлы, 449 миллион һум аҡса 2027–2028 йылдарҙа тағы ла 37 йортто ремонтлауға йүнәлтеләсәк.

Документтарҙа билдәләнеүенсә, был килешеүҙәр финанслауҙың төрлө сығанаҡтарын күҙ уңында тота. Төҙөкләндереү эштәре фатир хужаларының иғәнәләре, шулай уҡ республика һәм урындағы бюджеттарҙан бүленгән аҡса иҫәбенә башҡарыласаҡ.