Путиндың мөрәжәғәтнамәһе Рәсәйҙең ҙур ҡалаларында урам экрандарында күрһәтеләсәк

Мөрәжәғәтнамәнең видео трансляцияһынан тыш, экрандарға президент телмәренән төп цитаталар ҙа сығарыласаҡ. Был ҡалаларҙа трансляцияны  29 февралдән 1 мартҡа тиклем 15,2 миллиондан ашыу кеше ҡарай аласаҡ.

   МАЕР Медиахолдингтың генераль директоры Константин Майор билдәләүенсә, мөмкин тиклем күберәк кешене йәлеп итеү өсөн президенттың төп тезистарын трансляциялау 2 һәм 3 мартта ла  дауам ителәсәк. Уның баһалауынса, был мөрәжәғәтнамәне ҡараусылар һанын 20 миллион кешегә етергә ярҙам итәсәк.

     Бөгөн, көндөҙгө сәғәт 2-лә Рәсәй Президенты Владимир Путин Федераль Йыйылышҡа Мөрәжәғәтнамә менән сығыш яһай. Путиндың үҙе әйтеүенсә, унда «алдағы алты йылға» бурыстар ҡуйыласаҡ.