Башҡортостанда һайлау участкаларында «Рәхмәт-2024» акцияһы башланды

Ойоштороусылар әйтеүенсә, отош 15 марттан 17-һенә тиклем уҙғарыла. Бүләктәр исемлегендә смартфондар, ноутбуктар, кофе машиналары, электр самокаттары, сертификаттар һәм башҡа бик күп ҡиммәтле бүләктәр бар.

Акцияның суперприздары-Өфөләге фатир, автомобиль, шулай уҡ Сочиҙа Һәм Башҡортостан шифаханаларында ял итеү.

Уйнауҙа ҡатнашыу өсөн һайлау участкаһынан сыҡҡанда билет алырға, рахмат102.рф сайтына һылтанма булған һигеҙ һанлы QR-кодты сканерларға һәм уны теркәргә кәрәк.

Бүләктәр көнөнә ике тапҡыр уйнатыла. Еңеүселәр һәм яуланған бүләктәр тураһында бөтә мәғлүмәт акцияның сайтында урынлаштырыласаҡ.