Рәсәй Президентын һайлау йомғаҡтары тураһында

Рәсәй Президенты Владимир Путин өсөн тауыш биреүселәр һаны 90 проценттан ашҡан.

- Үткән һайлауҙар, асылда, бөтә йәмғиәтебеҙҙең тупланыуы сағылышы булды. Башҡортостан халҡына рәхмәт белдерәм. Илдең ҡаҙаныштары һәм уның киләсәге беҙҙең берлектәге эшебеҙгә һәм, әлбиттә, лидерыбыҙ Владимир Владимирович Путинға, ул алып барған сәйәсәткә бәйле икәнен барыбыҙ ҙа аңлайбыҙ, – тигән Радий Хәбиров.

    - Алда ҙур эштәр, ҡаҙаныштар көтә. Беҙ, Президенттың Федераль Йыйылышҡа Мөрәжәғәтнамәһендә билдәләнгән пландарҙы күрҙек. Ә, Мөрәжәғәтнамәлә әйтелгәндәрҙең барыһы ла үтәлергә тейеш, быға мин ышанам. Алда беҙҙе яҡшы эштәр, әлбиттә, еңеү көтә. Беҙҙең егеттәр махсус хәрби операциянан иҫән - һау әйләнеп ҡайтһындар, тип өҫтәгән.

   Башҡортостан Башлығы шулай уҡ, һайлауҙар ойошҡан һәм кешеләр өсөн уңайлы шарттарҙа үтте, тип билдәләгән.