Электрон хеҙмәт кенәгәһе тураһында

Республикала йәшәүсе тағы 100 мең кеше тәүге эшкә урынлашҡанда электрон кенәгә асҡан. Шулай итеп, хәҙер 335 меңдән ашыу кеше һөнәри эшмәкәрлек тураһында яҙмаларҙың электрон формаһын ҡуллана. Төбәктең Социаль фонды белгестәре, бындай форматты ҡулланыу уңайлы һәм ябай, шулай уҡ хеҙмәт эшмәкәрлеге тураһында мәғлүмәттәрҙе ышаныслы һаҡлауҙы тәьмин итәсәк ти. "Граждандар өсөн документтың цифрлы форматының төп өҫтөнлөгө - үҙ һөнәри эшмәкәрлеге тураһында мәғлүмәттәргә даими инеү һәм үҙ стажы тураһында мәғлүмәтте ваҡытында индереүҙе тикшереү мөмкинлеге. Шулай уҡ электрон хеҙмәт кенәгәһе эйәләре мәғлүмәтте, мәҫәлән, эшкә урынлашыу өсөн дистанцион йүнәлтә ала», — тиелә хәбәрҙә. Рәсәйҙә электрон хеҙмәт кенәгәһенә күсеү ирекле, уны эш биреүсегә тейешле ғариза биреп тормошҡа ашырырға мөмкин. Былар "Цифрлы иҡтисад" милли проектына ҡағылышлы эшләнгән саралар булып тора.