Путин дәүләт компанияларына Мәскәүҙән күсеү планын әҙерләргә ҡушты

Был турала дәүләт башлығының йөкләмәләр исемлегендә әйтелә. Рәсәй Хөкүмәте бындай ойошмаларҙы 1 октябргә тиклем төбәктәргә этаплап күсереү буйынса тәҡдимдәр индерергә тейеш. Һүҙ дәүләт корпорацияһы, дәүләт ҡатнашлығындағы компаниялар һәм уларҙың структураларына ингән фирмалар тураһында бара. Баш ойошмалар «төп производство йәки операцион эшмәкәрлеген тормошҡа ашырған урынға» күсә ала тип фаразлана.