Башҡортостан Башлығы гранттары конкурсында еңеүселәр билдәле

Республика Башлығы гранттары фонды конкурсында тәүге тапҡыр 29 ойошма ҡатнашырға теләк белдергән. Конкурс комиссияһы 143 ғаризанан 121-н конкурсҡа индерергә. Еңеүселәр иҫәбенә 27 ойошманың проекты ингән. Әйтәйек,  «Йәштәр сәйәсәте өлкәһендә» йүнәлеше буйынса 21 проект, «Башҡортостан Республикаһын популярлаштырыуға йүнәлтелгән проекттар» йүнәлеше буйынса 6 проект еңеүсе тип табылған. Финанслауҙың дөйөм суммаһы 40 000 000 һум тәшкил итә.

     Муниципалитеттар  буйынса «Йәштәр сәйәсәте өлкәһендә» йүнәлеше проектта  Өфө ҡалаһынан – 13, Нефтекама, Стәрлетамаҡ ҡалалары, Өфө, Мәләүез, Әбйәлил, Баймаҡ, Йылайыр һәм Яңауыл райондарынан берешәр  еңеүсе булған.

Еңеүселәр үҙ проекттарын тормошҡа ашырыуҙы октябрҙә башлаясаҡ.

Конкурс еңеүселәренең тулы исемлеге менән ошо сайт аша танышырға мөмкин https://грантыглавы102.рф.