Башҡортостан Башлығының инаугурацияһы 12 сентябрҙә үтә

Башҡортостан Башлығын һайлау һөҙөмтәләре буйынса Радий Хәбировҡа («Берҙәм Рәсәй» партияһынан тәҡдим ителгән) 80,21 процент, йәғни 1,72 миллиондан ашыу кеше тауыш биргән.Альберт Шәйнуров (КПРФ партияһы) өсөн һайлаусыларҙың 6,95 проценты тауыш биргән.Иван Сухарев өсөн (партия ЛДПР) 4,98 процент, Владимир Нагорный өсөн (Ғәҙел Рәсәй партияһы) 4,26 процент, Илшат Тимерйәнов өсөн (Яңы кешеләр партияһы) 2,6 процент һайлаусылар тауыш биргән.

Р. Хәбировреспублика халҡына әүҙемлеге өсөн рәхмәт белдерҙе.

“Тауыш биреү бик ойошҡан рәүештә үтте. Беҙ был һайлауҙарҙа еңдек тип әйтә алабыҙ. Мин унда ҙур команда вәкиле булараҡ ҡатнаштым, мине «Берҙәм Рәсәй» тәҡдим итте, – Тине Радий Хәбиров. - Алда яңы бурыстар тора. Республика халҡына рәхмәт белдерәм. Улар сыҙамлыҡ һәм сабырлыҡ күрһәтте. Беҙ үҙ өҫтөбөҙгә алған бөтә йөкләмәләрҙе үтәргә тырыштыҡ. Ышанысығыҙ өсөн рәхмәт. Төбәк етәксеһе шулай уҡ республиканың идара итеү командаһының, һайлау комиссиялары, хоҡуҡ һаҡлау органдары һәм оператив хеҙмәттәр ағзаларының ҙур ойоштороу эшен билдәләне. Башҡортостан Башлығының инаугурацияһы 12 сентябрҙә үтәсәк, тип өҫтәне Радий Хәбиров. Яңы һайланған төбәк етәксеһе вазифаһына ингәндән һуң республика Хөкүмәте отставкаға китергә тейеш.