Ил Башлығы Өфөлә халыҡ менән дә аралашып өлгөрҙө

Рәсәй Президенты Владимир Путин, Башҡортостандың баш ҡалаһы Өфөлә эш программаһы тамамланғас, Көрәш һарайы янына йыйылған халыҡ менән аралашыу өсөн урамға сыҡты. Кешеләр бер-береһен бүлдерә-бүлдерә президентҡа республикалағы ыңғай үҙгәрештәр хаҡында һөйләне һәм яҡындарынан сәләм еткерҙе. РЕН-ТВ телеканалы импровизацияланған осрашыуҙы видеоға төшөргән.

«Рәхмәт һеҙгә! Һеҙҙә шәп социаль объекттар төҙөлгән. Ошондай спорт объекттарын күреү бик ҡыуаныслы», – тине президент.