Еңеүҙең 80 йыллығының рәсми логотибы раҫланды

Ошо көндәрҙә Бөйөк Ватан һуғышында Еңеүҙең 80 йыллығын байрам итеүҙең рәсми логотибы тәҡдим ителде. Еңеүҙең 80 йыллығы сараларын асыу һәм рәсми логотиптың презентацияһы Поклонная тауындағы Еңеү Музейында үткән.

Иҫегеҙгә төшөрәбеҙ, Президент Владимир Путин 2023 йылдың 31 июлендә Бөйөк Ватан һуғышында еңеүҙең 80 йыллығын байрам итеүгә әҙерлек һәм уны үткәреү тураһында 568-се указға ҡул ҡуйғайны.

       “1941-1945 йылдарҙағы Бөйөк Ватан һуғышында еңеүҙең 80 йыллығына  арналған сараларҙы әҙерләү һәм үткәреү буйынса яуаплы федераль башҡарма власть органдары, РФ субъекттарының башҡарма власть органдары, урындағы үҙидара органдары һәм йәмәғәт берекмәләре эшмәкәрлеген «Еңеү» ойоштороу комитетына координациялауҙы йөкмәтергә",-тиелә указда.