Рәсәйҙә юлдарҙы киңәйтергә йыйыналар

Был юлдар водителдәрҙең хәүефһеҙлеген һәм уңайлылығын арттырырға тейеш. Бының менән илдең юл трассаларының үткәреү һәләте лә артасаҡ. “Хәүефһеҙ һәм сифатлы автомобиль юлдары” милли проектына ярашлы эшләнәсәк юлдарҙың 90 километры — реконструкция сиктәрендә, ә 200 километры капиталь ремонт аша киңәйтеләсәк. Яңыртылған автотрассалар Приморье крайы, Татарстан, Дағстан, Владимир һәм Воронеж өлкәләрендә төҙөләсәк. Бынан алда билдәле булыуынса,  Һанлы үҫеш министрлығы бөтә федераль трассаларҙа юғары тиҙлекле интернет үткәрергә йыйына ине. 2031 йылға ул бойомға ашырға тейеш. Бынан һуң юғары тиҙлекле интернетты төбәк автомобиль юлдарында индереү башлана, тип асыҡлыҡ индерҙе Рәсәйҙең Һанлы үҫеш, элемтә һәм киң коммуникациялар министры Мәҡсүт Шадаев.