Проблемаларҙы власть һәм бизнес бергә хәл итергә кәрәк

Күптән түгел әбйәлил районы халҡы республиканың йәмәғәт палатаһына Яҡтыкүл, Һабаҡ һәм Ҡарабалыҡты күлдәрендә һыуҙың бактериологик хәүефһеҙлеген тикшереүҙе һорап мөрәжәғәт иткәйне.

       Тиҙҙән республикала һыу инеү миҙгеле асыла. Башҡортостандың Роспотребнадзор идаралығы мәғлүмәттәре буйынса, Әлегә Башҡортостандың бер генә һыу ятҡылығы ла санитар ҡағиҙәләргә тап килеү тураһында йыллыҡ санитар-эпидемиологик һығымта алған. Шул уҡ ваҡытта республика күлдәренең торошо урындағы халыҡта һорауҙар тыуҙыра.

           Күп күлдәр тирәләй ауылдар, ял базалары урынлашҡан. Үҙәк канализация булмаған шарттарҙа бөтә көнкүреш ағымдары һыу ятҡылыҡтарына үтеп инә һәм уларҙы бысрата. Һөҙөмтәлә улар һыу ятҡылығында кешеләр өсөн хәүефле бактериялар барлыҡҡа килеүенә булышлыҡ итә ала. Эйе, һыу объекттарының үҙ-үҙен таҙартыу һәләте бар, әммә уларҙың мөмкинлектәре сикһеҙ түгеллеген аңларға кәрәк, бигерәк тә экосистемаға хәҙерге антропоген тәьҫир иткәндә. Шуға күрә һыу ятҡылыҡтары янында таҙартыу ҡоролмалары менән цивилизациялы канализация системаһын төҙөй башларға, төбөн тәрәнәйтеү, балсыҡ фракцияларын йыйыу һәм башҡалар менән шөғөлләнергә кәрәк. Күренеүенсә, район хакимиәттәре көсө менән был мәсьәләне хәл итеп булмаясаҡ. Республика бюджеты ла резина түгел. Шуға күрә, минеңсә, беҙгә сит илдәрҙә ҡулланылған практиканы үҙләштерергә кәрәк. Әгәр районға эшмәкәрлеге урындағы экосистемаға йоғонто яһаған ҙур инвестор инһә, ул урындағы социаль һәм экологик мәсьәләләрҙе хәл итеүгә финанс яҡтан аҡса һалырға тейеш. Шул уҡ Яҡтыкүл. Унда үҙәкләштерелгән канализация системаһы кәрәк, уны республика бюджеты яҡын арала тартмаясаҡ, ә күлдең һаҡланып ҡалыуына йәки бер нисә тиҫтә йылдан һуң уның урынында һаҙлыҡ булыуына туранан-тура бәйле.

https://www.kommersant.ru/doc/7736524?from=author_2