Ҡорбан салыу ҡағиҙәләре

Ҡорбан байрамы исламда хаж тамамланыуын белдергән һәм Ураҙа байрамынан һуң, 70 көн үткәс билдәләнгән мөһим байрам. Ғәҙәттә ҡорбанға ваҡ һәм эре мөгөҙлө мал салына. Ҡорбанлыҡ малдың клиник яҡтан сәләмәт булыуы, паразиттарҙан эшкәртелеүе һәм вакцинацияланыуы бик мөһим.

 Хәүефһеҙлекте тәьмин итеү һәм төрлө ауырыуҙарға юл ҡуймаҫ өсөн түбәндәге талаптарҙы үтәр мотлаҡ:

• ҡорбанлыҡ мал «Хорриот» ветеринария өлкәһендәге федераль дәүләт иҫәпкә алыу системаһында теркәлергә тейеш;

- дәүләт ветеринария хеҙмәте менән алдан килешеүһеҙ ҡорбан малдарын ситтән республика биләмәһенә индереү тыйыла;

- малдарҙы һуйыу майҙансыҡтарына алып барғанда ветеринар документтар мотлаҡ булырға тейеш;

- ҡорбанлыҡ малдар мотлаҡ рәүештә бөтә ветеринар-профилактика сараларын, шул иҫәптән һуйыр алдынан 30 көн дауамында карантинда булырға тейеш;

• мал ветеринар-санитар талаптарға яуап биргән махсус майҙансыҡтарҙа һуйылырға, улар аҫылмалы, мал ҡалдыҡтарын йыйыу өсөн һауыттар, ағынты һыуҙар һәм ҡан йыйыу өсөн һауыттар менән йыһазландырылырға тейеш, артабан улар барыһы ла үтилләштерелә;
• Өфөлә йылдағыса Ҡорбан ғәйете ваҡытында ҡорбан малдарын салыу өсөн ике майҙансыҡ эшләйәсәк: Ҡала яны урамы, 55-се йорт адресы буйынса урынлашҡан «Ҡарауан» сауҙа үҙәге янында һәм Төньяҡ автовокзал эргәһендә;
• һуйыу продукттары һәм ҡорбан ите ветеринар-санитар тикшереүе үтергә тейеш;
• биологик ҡалдыҡтарҙы (мөгөҙ, тояҡ, тире һәм башҡа ҡалдыҡтар) Рәсәй Ауыл хужалығы министрлығының 2024 йылдың 11 ноябрендәге «Биологик ҡалдыҡтарҙы йыйыу, һаҡлау, күсереү, үтилләштереү һәм юҡ итеүҙең ветеринар ҡағиҙәләрен раҫлау тураһында»ғы 677-се бойороғона ярашлы юҡ итергә кәрәк.

-Биологик ҡалдыҡтарҙы көнкүреш сүп-сар контейнерҙарына ташлау йәки сүплектәргә сығарыу ҡәтғи тыйыла.

Байрам изге ниәттә тыныс үтһен һәм ҡорбанлыҡтар ҡабул булһын өсөн ҡорбан салырға ниәт иткән кешеләрҙең ошо бөтә талаптарҙы мотлаҡ үтәүен һорайбыҙ.