Ғаилә ипотекаһының яңы шарттары үҙ көсөнә инде

   Рәсәй финанс министрлығы ғаилә ипотекаһының яңы параметрҙары тураһында хәбәр итте, улар 1 октябрҙән ғәмәлгә инде. Иң беренсе шарт, ғаиләлә 7 йәшкә тиклемге бер бала булырға тейеш.

Биш һәм унан күберәк балалы ғаилә - 2 процент ставка менән, торлаҡ кредитының максималь суммаһы — 10 миллион һум.

Дүрт балалы ғаилә-4 процент һәм 10 млн һум.

Өс балалы ғаилә-6 процент һәм 10 млн һум.

Ике бала менән-8 процент һәм 8 млн һум.

7 йәшкә тиклемге бер бала булған ғаилә 10 процент менән һәм 6 млн һум алыуы мөмкин.

Әгәр ипотека шәхси өй төҙөүгә алына икән, балалар һанына һәм төбәккә ҡарамай, 6 процент ставкаһы менән бирелә.

Ғаилә ипотекаһының максималь ваҡыты - 15 йыл.

     Әйткәндәй, торлаҡ шарттарын яҡшыртыуҙа, “Рәсәй федерацияһы граждандарын арзан һәм уңайлы торлаҡ һәм коммуналь хеҙмәттәр менән тәьмин итеү” дәүләт программаһы (государственная программа РФ «Обеспечение доступным и комфортным жильем и коммунальными услугами граждан Российской Федерации») нигеҙ булып тора. Уның маҡсаттары, 2030 йылға тиклемге:

торлаҡ менән тәьмин ителештең артыуы — бер кешегә 33 квадрат метрҙан кәм түгел;

торлаҡ фондын 2019 йыл менән сағыштырғанда 20 процентҡа яңыртыу;

йәшәү өсөн яраҡһыҙ торлаҡ өлөшөн кәметеү.