Грант аҡсаһына ҡул һонған фермерҙар тотолған

Агросәнәғәт комплексы етәксеһе “АПК-ны үҫтереү” милли проекты сиктәрендә бүленгән грант аҡсаһын үҙ файҙаһына тотоноуҙа ғәйепләнә. Мал үрсетеү буйынса комплекс төҙөүгә биргән заявкалар араһында чиновниктар уныҡын иң яҡшыһы тип тапҡан һәм бизнес-проектты тормошҡа ашырыуға биш миллион һум аҡса бүлгән. Әммә ферма төҙөү урынына был эшҡыуар маҡсатлы аҡсаларҙы, икенсе фирмаларҙың иҫәбенә күсереп, бөтөнләй башҡа йүнәлештә тотонған. Фермерға ҡарата РФ Енәйәт кодексының 160-сы статьяһы буйынса эш асылған. Прокуратура уның грант алыу өсөн дөрөҫ булмаған документтар күрһәтеүен асыҡлаған.