«Урман» оператив-иҫкәртеү операцияһы бара

Ул Башҡортостанда ағасты законһыҙ ҡырҡыуға юл ҡуймауға йүнәлтелгән. Иҫкәртеү сараларында Урман хужалығы министрлығы, полиция, дәүләт техник күҙәтеүе хеҙмәткәрҙәре, йәмәғәт инспекторҙары, казак ойошмалары (Ғафури, Нуриман, Иглин һәм Яңауыл урман хужалыҡтары биләмәләрендә) һәм башҡа йәмәғәт ойошмалары ҡатнаша.

Ағастарҙы һәм ҡыуаҡтарҙы законһыҙ ҡырҡҡан өсөн енәйәт һәм административ яуаплылыҡ янай. Граждандарға — 3-4 мең, юридик шәхестәргә 200-500 мең һум штраф һалына. Хоҡуҡ боҙоуға шаһит булғандарҙың 8 (347) 218-14-14 телефоны буйынса Башҡортостан Республикаһы Урман хужалығы министрлығының диспетчер хеҙмәтенә мөрәжәғәт итеүҙәрен һорайҙар, фото һәм видеотеркәү материалдары ла кәрәк.

Был сара “Экология” милли проекты үтәүгә лә булышлыҡ итә.

Сығанаҡ: "Башинформ".