Ауыл хужалығына эшкә барыу отошло

«Башинформ» мәғлүмәт агентлығы хәбәр итеүенсә, Башҡортостанда аграр йүнәлешле уҡыу йорто тамамлаусы белгестәргә бер тапҡыр түләнә торған матди ярҙам күләме артты. Юғары белем алған ауыл хужалығы белгестәренә тармаҡҡа эшкә килгән осраҡта — 500 мең һум, урта профессиональ белем алған кадрҙарға 300 мең һумға тиклем түләнәсәк. Бөгөн Башҡортостандың агросәнәғәт комплексында 2 меңдән ашыу вакансия бар. Хужалыҡтарға айырыуса агроном, ветеринар табип, зоотехник, механизатор, комбайнсы, һауынсы һәм малсы кеүек һөнәрҙәргә эйә йәш белгестәр кәрәк.