Гүзәл заттар өсөн конкурс

Республикала йәнә «Ҡатын-ҡыҙ — милләт әсәһе» тигән конкурс иғлан ителде. Унда төрлө район-ҡалаларҙан йәмәғәт эшендә әүҙем ҡат-нашҡан, инициативалы, ижади күңелле ҡатын-ҡыҙҙар ҡатнаша. Еңеүселәр «Ҡатын-ҡыҙ — әсә», «Ҡатын-ҡыҙ — лидер», «Ҡатын-ҡыҙ — ғалим», «Ҡатын-ҡыҙ — эшҡыуар» кеүек 10 номинацияла билдәләнәсәк. Бәйгелә үҙегеҙҙе һынап ҡарарға теләһәгеҙ, 26 февралгә тиклем «БР башҡорт ҡатын-ҡыҙҙары йәмғиәте»нә, bashkirka2017@mail.ru, kulsarina.g@mail.ru электрон адрестарына заявка һәм портфолио ебәрергә кәрәк. Тел.: 8 (347) 228-74-94.