Киҙеү килеп етте

Башҡортостанда киҫкен респираторлы вируслы инфекция һәм киҙеү (грипп) менән сирләүселәр артты, тип белдерә «Башинформ». Һуңғы аҙнала 26 мең кешегә — ОРВИ, дүрт кешегә киҙеү диагнозы ҡуйылған. Шулай уҡ лаборатория тикшеренеүе А1 штамм (сусҡа киҙеүе) булыуын да раҫлаған. Һаҡ булығыҙ, кешеләр күп булған урындарҙа махсус стериль битлек кейергә, тыштан ингәс, ҡулдарығыҙҙы йыуырға, бүлмәләрҙе елләтергә онотмағыҙ.