Сәсәндәр бәйгеһе

1 марттан 1 июнгә тиклем Башҡортостанда Байыҡ Айҙар сәсән исемендәге республика сәсәндәр бәйгеһе ойошторола. Унда эпос, ҡобайыр, риүәйәт, бәйет, иртәк кеүек халыҡ ижады өлгөләрен башҡарыусы сәсәндәр саҡырыла. Йәш сикләүе юҡ. Конкурс «В Контакте» сайтындағы https://vk.com/club162654874 төркөмдә ике этапта барасаҡ. Иң күп тауыш йыйған ҡатнашыусылар икенсе турға үтә. Еңеүселәрҙе бүләкләү 12 июнгә Торатау итәгендә үтәсәк фестивалгә тәғәйенләнгән.