Гәзиткә яҙылыу башланды

1 апрелдән июнь аҙағына тиклем бөтә почта бүлексәләрендә киләһе ярты йыллыҡҡа гәзит-журналдарға яҙылыу кампанияһы башланды. Ваҡытлы матбуғатҡа он-лайн режимда podpiska.pochta.ru сайты аша ла яҙылырға мөмкин. Бынан тыш, почта бүлексәләрендә «Изгелек ағасы» тигән мәрхәмәтлелек акцияһы дауам итә, уның сиктәрендә балалар йортона, интернаттарға, ветерандарға һәм оло йәштәгеләргә гәзит йәки журнал яҙҙырып, бүләк итергә мөмкин. «Осҡон» гәзите уҡыусылары беҙҙең менән артабан да бергә ҡалыр, тип ышанабыҙ. Гәзитебеҙгә яҙылыу өсөн почтальондарға, почта бүлексәләренә йәки редакцияға мөрәжәғәт итергә мөмкин.