Енәйәтселәр тотолған

Федераль именлек хеҙмәте тәфтишселәре һайлау көнөндә баш ҡалала террор акты ҡылырға йыйынған ике кешегә енәйәт эше ҡуҙғатҡан. 43 һәм 22 йәшлек ирҙәр, урындағы власть органдарына ризаһыҙлыҡ белдереп, һайлау көнөндә ығы-зығы тыуҙырыу ниәте менән һайлау участкаларына шартлатҡыс һалыуҙы планлаштырған. Хоҡуҡ һаҡсылары уларҙы һаҡ аҫтына алып, йәшәгән урындарында ҡулдан эшләнгән шартлатыу ҡоролмаларын тапҡан.