Йыл әйләнәһенә шифалы ҡымыҙ

Баймаҡ районында донъяла тиңе булмаған яңы предприятие — ҡоро йәки кипкән ҡымыҙ етештереү цехы асыласаҡ, тип хәбәр итә БР Ауыл хужалығы министрлығы. Шифалы эсемлекте һатыу майҙаны сикле, сөнки әсетеп эшләнгән продуктты 100 километрҙан ары ташып булмай. Ә киптергән осраҡта башҡорт ҡымыҙын донъя баҙарына ла сығарыу, хатта космонавтар рационына индереү мөмкинлеге асыласаҡ. Ҡымыҙҙы лиофилизациялау (киптереү) буйынса ҡоролмалар алынған, белгестәр уларҙы тикшереп, һынап ҡарағандан һуң, цех эшләй башлаясаҡ.