Һаумы, йәй!

Халыҡ-ара балаларҙы яҡлау көнө айҡанлы 1 июндә район үҙәгенең «Уңыш» стадионында «Һаумы, йәй!» тип исемләнгән байрам сараһы уҙа. Сараны өҫтәмә белем биреү усаҡтары ЗАГС бүлеге менән берлектә ойоштора. Программала балалар өсөн күңелле уйындар, аттракциондар, коляскалар парады, асфальтта һүрәт төшөрөү, «Күңелле старттар», футбол, йыр-моң һөйөүселәр, нәфис һүҙ оҫталары араһында конкурс уҙғарыу ҡаралған. Башлана 11 сәғәттә.