Иң яҡшы уҡытыусыларға 200 мең һум премия

Башҡортостан Республикаһының Мәғариф министрлығы үҙ фәндәре буйынса иң яҡшы тип табылған уҡытыусыларға 200 мең һум күләмендә премия түләү тураһында ҡарар сығарҙы. Документҡа ярашлы, аҡсалата ярҙам быйыл 33 педагогҡа бирелә. Улар араһында яҡташтарыбыҙ ҙа булыуы ҡыуаныслы. «Иң яҡшы уҡытыусы» исеменә Таһир Кусимов исемендәге гимназияның башҡорт теле һәм әҙәбиәте уҡытыусыһы Альбина Ринат ҡыҙы Муллахмәтова лайыҡ булды.