2019 йылда нисек ял итәбеҙ?

Рәсәйҙең Хеҙмәт министрлығы киләһе йылда байрамдарға тура килгән ял көндәрен күсереү проектын раҫланы. Ял көндәренә тура килгән байрамдар — 5, 6 ғинуарҙан 2, 3 майға, 23 февралдән 10 майға күсерелде. Яңы йыл һәм май байрамдарында йылдағынан ҡарағанда оҙағыраҡ ял итәсәкбеҙ. Яңы йыл каникулдары 2018 йылдың 30 декабренән 2019 йылдың 8 ғинуарына тиклем һуҙыласаҡ. 23,24 февралдә Ватанды һаҡлаусылар көнөн, 8–10 мартта Халыҡ-ара ҡатын-ҡыҙҙар көнөн байрам итәсәкбеҙ. Май байрамдары айҙың 1-нән 5-енә, 9-нан 12-һенә тиклем дауам итә. 12 июндә Рәсәй көнө билдәләнә. Халыҡтар берҙәмлеге көнө айҡанлы 2–4 ноябрь ял көндәре тип билдәләнә.