Афарин уҡыусылар!

Балалар ижады йортонда сатраш түңәрәгендә шөғөлләнеүселәр (етәкселәре Я. Ғ. Ҡаҙаҡбаев) Хәйбулла районы үҙәге Аҡъярҙа үткән Урал аръяғы кубогы турнирының тәүге этабында ҡатнашты. 1-се Асҡар урта мәктәбенең 4-се «в» класы уҡыусыһы Илдар Әмиров үҙенең йәш төркөмөндә иң яҡшы һөҙөмтә күрһәтеп, беренсе урынға лайыҡ булды. Байым урта мәктәбенең 1-се класы уҡыусыһы Нурсолтан Миңлебаев өсөнсө урын яуланы.