Күп балалы ғаиләләргә иғтибар арта

Һигеҙ һәм унан күберәк бәлиғ булмаған балалар үҫтереүсе ғаиләләргә 600 мең һум күләмендә аҡсалата ярҙам күрһәтеү тураһында закон проекты ошо аҙнала БР Дәүләт Йыйылышы — Ҡоролтайға тикшереүгә тәҡдим ителде. Хеҙмәт министры Л. Иванова белдереүенсә, быға тиклем 10 һәм унан күберәк бала тәрбиәләүсе ғаиләләргә «Газель» автобусы бирелһә, 2019 йылдан был кимәлде һигеҙ балаға тиклем түбәнәйтеп, микроавтобусты бер тапҡыр түләнеүсе аҡсалата ярҙам менән алыштырыу ниәтләнә.