Тәмәке етештереүселәргә талаптар арта

РФ Һаулыҡ һаҡлау министрлығы тәмәке ҡаптарын исемһеҙ һәм бер ниндәй билдәләрһеҙ етештерә башларға тәҡдим итә. «Әммә бының өсөн Евразия иҡтисади союзының закондарын үҙгәртергә кәрәк буласаҡ», — тип иҫәпләй министр Вероника Скворцова. Тышында логотип, башҡа аныҡлау билдәләре булмаған тәмәке ҡаптары насар ғәҙәт менән көрәшергә тағы ла нығыраҡ булышлыҡ итәсәк, тиҙәр ведомствола. Бынан тыш тартыу рөхсәт ителгән урындар исемлеген дә кәметеү ниәте бар.