Аэропорт исеме өсөн тауыш бир

Рәсәй аэропорттарына билдәле шәхестәрҙең исемдәрен биреү кампанияһы әүҙем бара. Республика халҡы ла Өфө аэропортына үҙҙәре теләгән шәхестең исеме өсөн тауыш бирә ала. Күпселек ҡаһарман летчик, Советтар Союзы Геройы Муса Гәрәевтың исемен тәҡдим итһә, балет оҫтаһы Рудольф Нуриев, милли батырыбыҙ Салауат Юлаев, яҙыусы Мостай Кәрим һәм башҡаларҙы тәҡдим итеүселәр ҙә бар. Берҙәм великиеимена.рф порталында лонг-лист булдырылғандан һуң, 7 ноябргә тиклем үҙегеҙгә оҡшаған исем өсөн тауыш ҡалдырырға була. Конкурс 5 декабрҙә тамамлана.