Башҡорт балын яҡларға

Республика Башлығы вази-фаһын ваҡытлыса башҡарыусы Радий Хәбиров ауыл хужалығы министры Илшат Фәйзрахмановҡа башҡорт балының данын яҡлау системаһын төҙөргә ҡушты. Быға интернетта таралған Красноярскиҙа һатылған башҡорт балының сифатһыҙ булыуы хаҡындағы мәғлүмәт сәбәпсе булды. Әммә, билдәле булыуынса, БР Апитерапия һәм умартасылыҡ үҙәге Красноярскиға башҡорт балын ебәрмәй һәм унда «Башҡорт балы» исеме аҫтында ялған продукция һатылған булып сыға. Учреждение үҙенең исемен яҡлап, Арбитраж судҡа ғариза менән мөрәжәғәт иткән. И. Фәйзрахманов был мәсьәләне юристар ярҙамында өйрәнеп, башҡорт балы брендын яҡлауҙың эффектлы системаһы төҙөләсәген белдерҙе.